CNF leh Kawl Kumpi kimukik ding

Kawl Kumpi leh CNF kilemna thu kikup, anihveina Zangkong khuapi ah December 7-8, 2012 sungnei ding cih ki za hi.

Tutung Union level ah CNF lampan a nuai aa te kihel thei ding cih ki za hi -

1. Pu Zing Cung (GS)
2. Pu Thomas Thang Nou (A-GS)
3. Pu Paul Sitha (GS-1)
4. Dr. Sui Khar (GS-2)
5. Pu Khua Uk Lian (GS-3)
6. Salai Kipp Kho Lian (Chairman_2014)
7. Thang Nang Lian Thang (Chairman_2015)
8. Pu Thang Yen
9. Pu HC Ral Hnin
10. Pu Thang Ning Kee
11. Dr. Lian Hmung Sakhong
12. Pu Zo Tum Hmung
13. Pu Lalramlawma
14. Colonel Solomon
15. Pu Thla Hei
16. Pu Hau Kang
17. Pu Thawng Za Lian
18. Pu Ngai Cia Thang
19. Colonel Than Htun
20. Major Sang Lian Thang
21. Major Kha Pawng te... hih tuak hi., Hakha CPTC committee pan zong pawlkhat kihel ding cih ki zasawn hi.

Pu Zo Tum Hmung leh Pu Thawng Za Lian te USA pan Zangkong, Visa tawh hongleng dingci hi. Salai Kipp Kho Lian le Pu Thang Ning Kee te'n India Visa ngah zolo ahih manin, Thailand- Myanmar Tuilam tawn in Zangkong zuan ding cih kiza hi.

India gamgi pan in Dr. Za Hlei Thang leh U Lian Uk te (4.12.2012)ni-in, Rih-Tedim-Kawlpi cih bangin kawlgam sung honglut ding ci hi. Zangkong ah kimuhna a bawlkhit uh (15.12.2012)ni a mau te geel pen Tedim ah giak ding cih zong ki za hi.

Tutung kimuhkhopna-ah bang thu teng hongging khia ding hiam? cih lunglut huai mahmah ding hi. (20.2.2012)ni-in Tedim gam Hausa, Upa (83)te deihloh minkuihna leh Pa Vum Za Nang minkuihna te tawh ZRDP pu leh Pa Nung Sian Tuang (TYF)te'n, U Thein Sein (President),  U Thura Shwe Mann, U Khin Aung Myint te tungah laikhak uh hi. Tua Laikhat na te Tedim, Tonzang tangmi ahi, Pyithu Hluttaw pan Pu Pum Khan En leh Pu Hau Khan Mang, Amyotaa Hluttaw pan Pu Kham Suan Mung, Pu Suan Do Cin leh Pu Neng Khen Pau te'n zong na lungkim pih uh hi.

Tedim, Tonzang mite lungkim lohna te, tulaitak Kumpi te'n hong thusim sak lo cih kimu hi. banghang hiam cih leh (25.9.2012)ni-in, Tedim, Myoma veeng ah Liaison Office (kizopna zum)hong hong uhhi.

Chin Students' Union leh Zomi Community te Delhi ah kimu (Zolai)

ZOMINAM NI TAWH KI SAI NGAIHSUT KIKUPNA  (KIMUHKHOPNA)

Delhi Sangkah naupang te kipawlna (Chin Student’s Union)leh Zomi Community te (3.11.2012) 3:00PM in Zomi Community zum ah kimuhna nei cih kiza hi. Hih kimuhkhopna ah CSU lam pan in Mi(17) kihel thei ci hi.

Hih kimuhkhopna pen CSU lam pan Zomi Community te kiang kimuhkhop ding lunggulh nate lai a kikhak khit ciangin, lungkim na aom khit ciangin ki muhkhopna a kinei hi ci uhhi. CSU lam pan Ngaihsutna pia (Advisor)a hi Dr. Run Bik, Pa Salong leh Pu Min Thang te kihel thei hi. Kimuhkhopna ahang pen  tu nungkum CSU makaihna tawh a kibawl 64^th Chin National Day hun in, Zomi Community te’n a tuam in Zomi National Day a bawlna tawh kisai a hihi.

Hih thu tawh kisai-in, CSU Presiden Salai Sang Hnin Lian in, “Hih bangin ih kimuhkhopna pen Delhi aa om Chin minam khempeuh in, hong tung ding The 65^th Chin National Day ah kipawlkhawm in, ih bawlkhop ding lungtupna tawh kimuhkhopna hong nei ka hi uh hi “ci-in gen hi.

Zomi Community lam pan in, nungkum 64^th CND a tuam in bawlna ahang  CSU lam pan dotna hongnei a, Zomi Community pan President in, “A masa pen in, tu a bangin community huam in, nonghawh man un, lungdam ungh. A beisa hun ah hibang aa ki hawh, ki muhkhopna cih bang om ngeilo a, no khangno te’n nonghawh man un, lawhcing, thupi mahmah hi. Tu nungkum ah Zomi National Day a tuam in, bawl na cih uh pen manlo(diklo)hi, adangin ka bawl uh hi peuhmah lo hi. A beisa hun te ah Announcer te leh Thu tomgen pawlkhat te’n ka theihloh uh pau tawh hong genden hi. Hakha te’n Hakha pau, Falam te’n Falam pau ih thu honggen ciangin ko mipi tampi’n, ki thei lo hi. Tua kawmkal ah Kawlpau nangawn zong Community sungah a theilo tampi om hi. Tua bang haksat na ka tuah uh ciangin a tamzaw te lungkim utna tawh, Biakna makai te makaihna tawh a tuam in a kibawl ahi hi. Chin cih paisan in Zomi ah cih ngimna cih bangin ka bawl uh hi lo hi. Chin National Day pen Tedim pau in Zomi Nam Ni, Hakha pau in Lai Phunpi Ni, Falam pau in Laiphun Suah Ni cih bang hi lel a, Zomi National hi lo zaw a, ko mau pau in Zomi Nam Ni a bawl ka hi zaw uhhi.

Delhi ah 1997 kum pan 2012 ciang kitat lo in Chin Students’ Union makaihna tawh Chin National Dal a kibawl den ahihi. 2011 kum ciang Chin mi khempeuh huam in, lungsim kikhat in a kibawl den hi a, 2012 kum ciangin, Zomi Community te in, a tung aa President gen, haksat na tuamtuam te hangin,  hong kihel lo uh hi. Hih thu tawh kisai-in, Zomi Community pan General Secretary Neng Za Dong in, “Tu nungkum Chin National Day in zong kong kihel mah uh hi ci-in ka ngaihsun hi. Banghang hiam cih leh Sum don na tuamtuam te ah kong kihel uhhi. Fund Raising bawlna, Lucky Draw bawlna te ah zong, Biakinn khempeuh ah kong zuak sak uhhi.  Pawini ah zong tangmi (representatives)zong kong pai uhhi. Tua bek hi lo in, ko sung mipi lak ah zong utna peuhmah paithei ci-in, ka kisawl uhhi. Tua man in, tu nungkum CND ah Zomi Community te hong kihel lo cih thuleng pen ka lung uh nuam lo hi.” ci hi.

CND bawlna-ah CSU makaih na tawh Community khempeuh kihel kim dingin, Celeberation Committee a kibawl khit ciangin bek in ma a kipang hi a, Community khempeuh huam in, a kisam tuamtuam te zon (don)hipan zel hi. Pau telloh buaina tawh kisai-in, Sumkeem ahi Cing Khan Dim in,”Ko lam te ii ka lawhcin lohna penpen khat in Chin pau a hi Lai pau (laiholh), Laizo cih dan pen kisiam kei uhhi.  Tua banah ka awsuah uh a dan deuh man ahi diam, pau dang te theih ding haksa phadeuh hi. A tamzaw theih a hi, kawlpau nangawn pen a theilo tampi om in, Chin mi dang te tawh tehkak hi leng, ka namaplohna penpen uh ahihi,” ci hi.

Hih kimuhkhopna-ah CSU lam pan in Chin ah Pumkhat hihna (We are one in Chin)leh mailam ah lungsim kikhat in, Chin National Day bawlding lunggulna President in,” tusun kongpai na uh pen kong gen samah bangin, mailam ah lungkikhat ah munkhat ah ih bawl theih ding a hihi. A beisa hun a ka khialhna te uh hong manggilh sak unla, ka kisapna te uh khat leh khat ih kihuh diamdiam ding hong thum nuam uhhi. Hong tungding The 65^th Chin National Day munkhat ah Zomi Community mipi khempeuh tawh a zangh khawm dingin kongsam uhhi. A beisa hun aa pau kitellohna, a dang ki cinlahna khempeuh, tu kum ah a hoih theih pen in, no mau tawh kipawl in bawlkhawm thei ding cih lungmuanna ka nei uhhi”ci-in gen hi. Tua khit ciangin Zomi lam pan President in,” Hi banga lungsim kihual theihna’ng aa nong hawh uh pen ka lungdam mahmah hi. Chin(Zomi)cih pen a kikhen thei lo te ihi hi. Bangmah hun in ih kikhen kei dinghy. Tua ahih manin, tu a ka haksat nate uh mipi tungah zaksak na ka na nei masa dinga, tua khit ciangin thu kong zasak kik  dinghi.  Munkhat ah a zangkhawm(bawlkhawm)thei dingin, keima ngaihsut na-ah upna ka nei hi”ci-in, anunung pen kamdawn na nei hi.

Chin Students’ Union in, Delhi aa om Chin Community tuamtuam te zong kimukhopna nei lai dingcih ki theikhia hi. (Chin Students’ Union nih Delhi um Chin community dang zong ton an timh hna tiah thawng kan theih)

By/-

http://www.thechinlandpost.com/index.php/tech/technology-news/myanmar/823-kdahs-nkada-sd.html

ZONGEINA KUMKHEN KHUADO PAWI KIBAWL

KUMKHEN LA

A       Kum kikhen na kaizawl ningtui lia leh tang gual (va bang ki lam)² ee..

B       Vabang kilam singtawi za tam nunnop gam mawng (singbang kikawi)² ee.

A       Kum kikhen ee, Solkha dang ee ziin in vangkhua (zuan hen lawm aw)² ee…

B       Ziin in vangkhua lam zong henla, sian sung tui bang (sianghen lawm aw)² ee.

A       Tu kawl tawi kum, khua ih khenna, ningzu khum leh aisa aw ee…

B       Ningzu khum leh aisa aw ee.. khan kumsawt ciam, laileng lawm aw ee.

KHUADO LA

A       Do na lingling, do na lingling ee, gual in kumkhua do na lingling ee…

B       Gual in kumkhua do na lingling ee, do han ah naubang  a kap hi aw ee.

A       Tuan Pupa te mabang pat sa, kumkhen khuado, sai ni aw ee…

B       Kumkhen khuado, sai ni aw ee, ih sai thei diamdiam nam aw ee.

KHUAI LA

A       Ngaltun ee, ngalthen ee khuai aw ee ka lo pam aa khuai aw ee, sim ngalthen…

B       Ka lo pam a, khuai aw ee, sim ngalthen nang in kumkhua na thei a kong dong ee.

PHIT LA

[ /d :r /d :r /m :- ]² *a kipat tungbek tum ding

(/d :r /d .r :d /r .d :r /m :-)2  [/d .d :r .r /r .d :r /d .r :d .r /r .d :r /m :-)²

THANGHO LEH LIANDO LA

A       Thang Ho Lian Do a nun kuangpi a khuhlup a, a nuai ah siallei a suak hi ee…

B       Siallei suak al bang a dah man in, geeltui ah ni bang a lun hi ee.
A       Ka tuun nu’n kuangpi hongkhuh lum ee nuai ah muan lei suak ta ding aw ee..

B       Nuai ah muanlei suak ta ding aw ee ni nu’n dal guabang honghah ta ee.

A       Sawmsial hawl khaubang va ciah in gee Nu tun tawh dawn bang kituak ing ee…

B       Nu tun in ka mel hongma tae e vontawi pu von aw hong ci ta ee.

A       Kei ka ni nun, tang lam aw ci ee, dumpuan ka kawng ah hongveh sak aw ee..

B       Dumpuan ka kawng ah hongveh sak aw ee, dai a khu va tawn ka bang keukeu ee.

LO HON LA

A       Mau kileng sangbang ka nawh nading ka zua aw tausang na dawh sak aw…

B       Ka Zua aw tausang na dawhsak aw a sang linlian in na dawh sak ve aw.

A       Ka lo veeng ten aa ka hawh kal in a vuilian penpen na tuahsak ee…

B       Lit aw ee va aw ka cih kal in a vui lian penpen na tuah sak aw ee.

LA GUALNUAM/ZO LA/LA PHEI

A       Diamdiam aw ee diamdiam aw ee pheiphung suan diamdiam aw ee…

B       Pheiphung suan diamdiam aw ee banzal khai diamdiam aw ee

A       Sianmang hawm siam za ta’n bawm ee, ciin hawm siam tuai in bawm ee..

B       Damtui kulthuk lim nga’n zuan ee, singcin pal phialvan bawm ee.

A      Tuni gingding, zingciang ging ding, thaiciang ging nawn lo ding aw lenkhuang 

        (lenkhuang no e)²aw ee

B      Tuni  lamding, zingciang lamding, thaiciang lam nawn lo ding aw ngaihteng

        (ngaihteng no e)²aw ee.

A       Tu a mawngsing bang kikawi aa zingciang sam bang (khen ta ding aw)2 ee..

B       Zingciang sam bang khen ta dingaa lungzuan zatam (sial ta ding aw)2 ee.

A       Khenkhuan ee khenkuan lia leh tang kikhenkuan e khenkuan ee..

B       Valkhuan ee valkuan zing aa taikhua val kuan ee valkuan ee.
A       Ei teng khawlkhawm, nunnuam a khawl, ho kituak leng khuva leng no ka bang lawm 

         aw ee…

B       Khu va leng no bang lawm aw ee, ciaukuam a zal dam tuiluang no bang lawm aw ee.

A       A tui luangsuk galdot gam zang nang nakhawl aw, Cing Ho Nuam aw ee…

B       Cing Ho Nuam leh Niang Suan Bawi aw zalai lawi bang ih than zong nuam ee.

A       Ka sial aw napai napai ve aw, geltui suangmual phei na khum ve aw ee…

B       Geeltui suangmual phei na diudeu ee sang leh lallap, nang a pha hi aw ee.

A       Khenkuan zang ni bang na kaikai (luitum tangsen)² vangngaih, luitum tangsen 

         (vangngaihno)² ee., Vangngaih no aw ee..

B       Luitui tangsen vangngaihno tawh (lungzuan naubang)² malkia.. lungzuan naubang 

         malkia ta (mal kia ta vawi)² mal kia ta vawi ee.

TAWN LA

A       Laithawn ee sinlai thaw nee, cian tung ten sin lai thawn ee…

B       Ciantung ten sinlai thaw nee.. cian nuai ten tonkhuang beng ee.

A       Zei ni a kapak lawh na deih na’m aw lawm aw..

B       Na deih leh lo ve aw., kei zong tulsing sang dawn ah ka lawh hi.

USDP(Chin) PARTY CONFERENCE

USDP (Chin)in, a khatveina Party Conference ah Zogam bup makai ding EC telna nei cih USDP thusai te tungpan kiza hi.

1. Chairman:     U Hung Ngai

2. Secretary:      U Cung Bik

EC Member:

1.  U Hung Ngai

2.  U Cung Bik

3.  Dr. Hmuh Thang

4.  U Aung Min

5.  Dr. Ro Uk

ZBC (2013-2016)MAKAI KITEELNA LAWHCING

Zomi Baptist Covention (ZBC) 2013-2016 Panmun lenm makai ding, a nuai aa bangin, sehna leh kipsak na nei cih ki za hi.

ZBC huam ah Tedim gam pan in, Tedim Association of Baptist (TAB) leh Siyin Region Baptist Association (SRBA) te Association nih kihel lai hi.

2013-2016 SUNG ZBC PANMUN LEN DING TE:

1. Chairman              Rev. Thawng Kam (TABC)
2. Vice Chairman 1    Rev. P Suangh Cin Pau (NKVBA)
3. Vice Chairman 2    Rev. D Lian Za Dal (FBA)
4. General Secretary   Rev. D Ngun Thawng Mang (HBA)
5. Asst. GS                Rev. Yan Naung (ZABC)
6. Treasurer              Pastor Za Hre Lian (ZPBA)
7. Asst. Treasurer      Rev. Ni Lian (CBA)
8. ZTC Principal         Rev. Dr. Law Ha Ling (MTBA)
9. E&M Secretary        Rev. Za Biak Ling (BAM)
10. Asst. Secretary       Pastor Awm Kui (MBA)
11. CSSDD Secretary    Rev. Mang Kap (ZBA)
12. Asst. Secretary       Pastor John Zin (MCBA)
13. Women Director     Pastor Dr. Van Thiang (FBA)
14. CE Secretary          Pastor Rem Za Khin (NKVBA)
15. Youth Director       Pastor James Khai Tual (SRBA)
16. MBC E.C Members  (1) Rev. Dr. Man Hau Cing

                                    (2) Rev. Run Herh Ling

တီးတိန္ၿမိဳ႕နယ္၊ ဇိုႏြမ္းဇန္ေက်းရြာနယ္ေျမနစ္နာမႈကိစၥ

Zogam Taaksing

တီးတိန္ၿမိဳ႕နယ္၊ ေဒၚလြန္ (Dolluang)
ေက်းရြာအုပ္စု၊ ဇိုႏြမ္းဇန္ေက်းရြာတြင္
ေနထိုင္လွ်က္ရွိေသာ  ေတာင္သူမ်ား
သည္ ႏုိင္ငံေတာ္၏  ျပဳျပင္ေျပာင္းလဲ
ေနေသာ ဆင္းရဲႏြမ္းပါးမႈေလွ်ာ့ခ်ေရး
လုပ္ငန္းစဥ္ ျဖစ္ေသာ ေမြးျမဴေရးႏွင့္
သဘာ၀ပတ္၀န္းက်င္ ထိန္းသိမ္းေရး
ကိုအေျချပဳလွ်က္ ေမြးျမဴေရးအတြက္

မရွိမျဖစ္လိုက္ေသာ စားက်က္ေျမမ်ား

စနစ္တက် သတ္မွတ္ထားရွိၿပီး
လက္ေတြ႔ခံစားလွ်က္ရွိသည္။

ထိုသို႔ လိုက္နာေဆာင္ရြက္ျခင္းႏွင့္ ကာကြယ္ထိန္းသိမ္းျခင္းကို တိုးခ်ဲ႕လုပ္ကိုင္ျခင္းအေပၚ ဇိုႏြမ္းဇန္

အေျခစိုက္ သစ္ေတာဦးစီးဌာနမွ ဦးေအးခ်ဳိမွ ေက်းရြာ၏ အိမ္ေမြးတိရစၦာန္မ်ားအတြက္ သတ္မွတ္

ထားရွိေသာ ေက်းရြာစားက်က္ေျမမ်ားကို ေက်းရြာအုပ္ခ်ဳပ္ေရးမွဴးႏွင့္ ျပည္သူလူထုမ်ား၏ခြင့္ျပဳခ်က္

အသိေပးျခင္းမရွိပဲ မိမိသေဘာျဖင့္ ၄င္းစားက်က္ေျမမ်ားကို စစ္ကိုင္းတိုင္း၊ ကေလးၿမိဳ႕နယ္၊ ခ်င္းစု

ေက်းရြာျပည္သူမ်ားလက္ထဲသို႔ တရားမ၀င္နည္းလမ္းျဖင့္ တစ္ဦးလွ်င္ (၅၀)ဧကႏႈန္းသတ္မွတ္ၿပီး

လုပ္ကိုင္ခြင့္ျပဳခဲ့ေၾကာင္း၊  သစ္ေတာဦးစီးဌာန ၀န္ထမ္းျဖစ္သူ ဦးေအးခ်ဳိသည္ သဘာပတ္၀န္းက်င္

ထိန္းသိမ္းျခင္းမဟုတ္ေတာ့ပဲ သစ္ေတာျပဳန္းတီးသူတစ္ဦးျဖစ္ေၾကာင္း ေတြ႔ရွိရပါသည္။

၂၀၁၂ ခုႏွစ္၊ ေမလ(၁၅)ရက္ေန႔ ည(၈)နာရီခ်ိန္တြင္  ဦးေအးခ်ဳိသည္ ဦးေပါင္ဇမုန္ေနအိမ္႔တြင္

ေက်းရြာအုပ္ခ်ဳပ္ေရးအဖဲြ႔အစည္းအေ၀းတြင္ ဖိတ္ၾကားျခင္းမရွိဘဲ ၀င္ေရာက္ကာ

ငါသည္ ဒီရြာမွ အႀကီးဆံုး၊ ေက်းရြာအုပ္ခ်ဳပ္ေရးမွဴးထက္ ငါႀကီးတယ္၊ ဒီရြာကို သိမ္းခ်င္ရင္

သိမ္းလို႔ရတယ္၊ ဒီရြာကို ရြာလံုးကၽြတ္မီရႈိ႕ပစ္မည္ဟု ေအာ္သစ္ၿပီး ေက်းရြာအုပ္ခ်ဳပ္ေရးအဖဲြ႔အား

ၿခိမ္းေျခာက္ခဲ့ၿပီး ဦးေပါင္ဇမုန္ေနအိမ္မွထြက္ၿပီး ရြာလယ္လမ္းမတစ္ေလွ်ာက္တြင္ အထက္ပါ

စကားရပ္မ်ား အသံက်ယ္က်ယ္ျဖင့္ ေအာ္သစ္ခဲ့ေၾကာင္း ဇိုႏြမ္းဇန္ေက်းရြာတာ၀န္ခံ တစ္ဦးထံမွ

ၾကားသိရပါသည္။

#John Zomi

TOEFL KIDEMNA OM DING

Lai Baptist Church (Washington DC Region)in kumsim in, a bawl Kum(25)nuai khangno TOEFL (Test Of English as a Foreign Language)laihuan kidemna te nuai aa bangin neih ding geelna nei uhhi -

27.10.2012_Sat  13:00PM   Thantlang, TBC    Pastor Sang Hre Lian (0947177015)

03.11.2012_Sat  13:00PM   Kalay, LBC           Pastor Sui Hlawn (073-22325)

17.11.2012_Sat  13:00PM   Matupi, UTC        Rev. Thawng Hnin Zam (0943025685)

24.11.2012_Sat  13:00PM   Hakha, SFBS       Pastor Thla Tin Thang (0947172209)

* Zangkong ah zong kidemna om ding hi. A tuam in ki zasak ding ci.

* Paper Based Test (PBT)hi dinghi. (Khedan 2 ta leh khephiat 1 ta pua ding)ci.

A khatna pan a Nga na dong Score tam zui-in, Pahtawina kipia dinga, A khatna (Ks.50000/-), A nihna (Ks.40000/-), A thumna (Ks.30000/-), A lina (Ks.20000/-)leh A ngana (Ks.10000/-)hi ding ci hi.

A KHATNA angah peuhpeuh Zangkong ah TOEFL tuition a kahnop leh kahman(fee) kipiaksak ding a, Score 550 tung angah te Educational Testing Service (ETS)te Actual TOEFL (www.ets.org/toefl)ah a thu ki suaksak dinghi. A phi nop a leh laiphi man ding $160 kipiak sak ding cih.. Hakha Post te'n pulak khia hi.

Ei ZOMI te sungah hi dan vaihawm na aom hia! a thei ten hong zasak dih ve vua? a om nai kei leh a hanciam huai khat dingin, ngaihsun ing ei?

#John Zomi

ZOGAM AH KHUADO PAWI KIBAWL

October 20, 2012_Nino ni-in, Hakha, Carson Hall ah THO PUAI (Khuado pawi) ki bawl, tua hun ah Rev. Dr. Lal Uk (GS, CACC)in makai-in, tua hun sungah Pu Hung Ngai (Chief Minister) leh Zogam makai te'n zong vauap thei ci hi. Ngeina laam lahna, Lasakna, duang leh meel lahna, 2011-2012 Tan(10)ah Distination ngah te Pahtawina te nei thei ci, Pu Hung Ngai-in, Kawlsum(Ks.300000/-)leh Pu Tam Aung in (Ks.40000/-)tawh va-uap cih Hakha Post ten pulak khia hi.

THANTLANG AH LAWI-IN MI(3) A KI TAWH DAWT

Thantlang gam, leitak(A) Zepi khuami Pa Than Vung leh a lawm te (2) 15.10.2012 ni-in, a khawi uh ahi, a lawipi-in, Pa Than Vung si nuam in delh a, farlung(2)khawng a tai khit ciangin, gimlua ahih man in tai zo nawnlo in, tua pan aphak ciang si gawp aa, a ki tawh pik gawp ahih man in, kamphat na tawh dum sung ah kia in, tua pan Lawipi tai ci hi. Pa Than Vung pen Thantlang Merlin te motor tawh Zato ah ahunlap in kipuak thei a, Siavuanpa gen na-ah Pu Than Vung pen a taklam nakguh pawlkhat kitan ci hi. Tua Lawipi mah in a dang mi(2)zong va si a, tua minih te bel Zato puak kullo in, khua ah kibawlthei ci uhhi. Leitak(A) te khangno (100)khawng in Thau tawh va zong kik uha, nitaak lam nai(5:00)kim in, va kaplum zo uh cih...The Hakha Post_Vol.1.No.51 ah pan ki za hi.

Tua Lawipi pen (Ks.300000/-)man hi napi, (Ks.200000/-)in, kipawlin lom hawm uh ci kiza hi.

Mualbem Siamah Daw MyintMyintThan thu hoihlo khat

Tedim gam, Mualbem khua-ah, Cidam na lam Sub-Centre Siamah a sem Daw Myint Myint Than in, khua mite deidan in, damlohna, haksatna a thuak te genthei mahmah cih.. The Hakha Post ah ki suaksak cih kiza hi. Daw Myint Myint Than in, nausuak te khat a suahsak ciangin sum(Ks.50000/-)la ahih manin, nausuak te'n haksat na tampi tuak ci hi. Tua bek hi lo in, mi deidan na zong nei mahmah ahih manin, Cidam na lam thusai ten hong theihpih un ci-in, khuanu khua pa khat in Hakha Post ah puak ci hi.

Tedim-Rih kikal ah Motor kibung

Tedim-Rih kikal tuksung khualzinna

Tedim, Sakollam aa teng Pa Khup Khan Mang tapa, Zam Sawm Lian (K-32) hawl, Haimual motor asan (6C/617)pen Laituin khuangei (9/7)leh (10/0)kikal, upmawh EA-573834 lamkawi ah Gear free in, pi(50)khawng nungleh kin in,ki lumlet ci hi.

Motor tungah tuang Lia Cing Sian Lun (K-21), Pa Vungh Lian Pau tanu in, a lu veilam leh a kawng veilam te liamna tawh hong nusia hi. A dang (8)liam nasia liampian ci hi. Tua te pan (Pa Zam Deih Piang-32, Lailo; Pa Thang Deih Mung-27, Vangteh; Pa Langh Khan Thang-37, Leilum veeng; Lia De Don-18, Vangteh; Tg Hang Cin Mang-8, Lailo; Tg Thang Ngaih Tuan-22, Vangteh; Lia Mang Suan Ngaih-18, Lailo; Pa Zam Sawm Lian-32, Sakollam veeng)te hi cih, Tedim sangngam te kiangpan in kizasawn hi.

Motor tungah mi(9)atuang hi-in, khat si-in, giat liam hi. Liamna tuamtuam a ngah teng Tedim Zato pi ah palik te cina lai tawh kipuak ci hi. Ki dawm lo a motor hawl Pa Zam Suan Lian palik zum pan, (Pah37/2012), Khialhna (304)(kah/337)tawh thusitna thuak sak cih, Lawibual veeng teng Lia.Neino tungpan kiza hi.

# John Zomi

ZO NGEINA TUAMTUAM KIDEMNA LAWHCING

Khuado kha (14-15), 2012 ni-in, Zogam ah a khatveina ZO NGEINA TUAMTUAM te kidemna leh limlah na kinei hi. (14.10.2012)ni nitaak lam nai(2:00)pan hun khat kipan in, hun nih pen nitaak nai(6:30)in kipan kik a, zan nai(10:00)in hunnihna ki zo hi. (15.10.2012)ni zingsang nai(10:00)in hunthumna kipan in, sun(1:30)ciang in hun li na kipan kik in, nitaak lam nai(5:45)in hun te nuam tak in ki zo thei hi. Zo Ngeina ah hong pai thei, gam khen tuamtuam te, Zogam Zumpi pan in Sum Kyats.100000/-ta thapiak na nei uhhi. Kidem na tawh kisai Pahtawina tuamtuam te hawm na kinei suak hi.Kidemna nam(7)om a, a nuai aa bangin Pahtawina te ngah uhhi -

1. Gua tuah laam kidem na

A KHAT NA          -              Matupi

A NIH NA             -              Mindat

A THUMNA         -              Thantlang

Guatuah lam akhatna ngah Matupi te

Guatuah laam anihna ngah Mindat Zo Ngeina te

Guatuah laam ah A thumna Thantlang Zongeina laam teng

2. Group lasak kidemna

A KHAT NA          -              Matupi

A NIH NA             -              Hakha

A THUMNA         -              Tedim

Hakha Zongeina laam te

Tedim Zongeina laam te

3. Group tumging kidem na

A KHAT NA          -              Matupi

A NIH NA             -              Mindat

A THUMNA         -              Tonzang

Tonzang Zongeina laam te

 4. Khattang laam kidemna

A KHAT NA   -          Kanpetlet

A NIH NA       -          Mindat

A THUMNA   -          Hakha

Kanpetlet Zongeina laam te

 

 5. Khattang lasa (Pasal)kidemna

A KHAT NA          -              Falam

A NIH NA             -              Tedim

A THUMNA         -              Tonzang

Falam Zongeina laam te

6. Khattang lasa (Numei)kidemna

A KHAT NA          -              Matupi

A NIH NA             -              Kanpetlet

A THUMNA         -              Falam

7. Khattang tumging kidemna

A KHAT NA          -              Kanpetlet

A NIH NA             -              Matupi

A THUMNA         -              Mindat

TOPA THUPHA MAW?