Tuhun Zogam

2013 Kumthak Nipi masa sung Zogam ah

1. Paletwa myo ah Win Thu Zar saikhan (Lamzum te neih)mei kang cih ki za a, meikat na a kikan ciangin, Meitha piakna pan kipan cih kiza hi. Hih Meikatna hangin, Win Thu Zar saikhan ngak te, Palik te kemphot cih ki za;
2. Paletwa myo mah ah Armann Computer sai meikang in, Mg. Zar Yar Tun in Battary tha a tuanna pan kipan ci hi. Kumpi inn zong pawlkhat katbeh cih ki za,
3. 2.1.2013 ni-in, Tg Zam Sian Mung(Kum-20)leh Tg. Thang Sawn Mang (Kum-19)te Kawlpi pan Buan khua-ah ciah ding a kahtoh laitak, Theizang Cafe ciin na kiangah, UKyiLwin(Kum-49)hawl thawlarye tawh kituak vat ah, Tg. Thang Sawm Mang a lu gawizan in aphual ah si pah a, Tg. Thang Sawn Mang pen Kawlpi Zato ah kipuaksuk cih kiza,
4. Mindat khua, Myoma Ansai ah Galkap Bugyi Cap. Aung Tin Oo leh a lawm te (4)in, an ne in, a an neek man sum(17400/-)apiak na sungah Sumtuh (sumkhem)om ahih man in, Palik te leh thunei te'n kancian na nei cih ki za;
5. (65)veina Kawlgam Suahtakna ni, Zogam khuapi, Vuamtumaung  tukpeng tual ah zingsang nai 04:42Am hun in, thupi tak in kibawl cih kiza, Zogam Kumpi pa Pu Hung Ngai-in, Kawlgam Zumpi pan thupuak te genna nei a, mimal(1500)val khawng kihel thei cih ki za hi. Sang naupang te Pahtawina tuamtuam zong ki nei ci hi.
6. 4.1.2013 ni-in Matupi gam, Lung gu khua mi, U Kyaw Soe inn ah Sakhi vun(100) leh Paalpi manpha te tawi(100)khawng Palik te vaman cih ki za hi.
7. Zogam ah Sui tical khat (Ks.7610000/-)man ta ci zen!
8. Matupi CNF zum ukpi pan U Ro Kung 8.1.2013 ni Thantlang ah hawhpak cih kiza,
9. 8.1.2013 ni-in Hakha NLD zumpi lam pan U Win Kyaw hongpai-in, NLD khawmpi ading in, Hakha pan Makai pi(13)leh Thu dotpi ding(5)te teelna nei cih ki za;
10. Mindat gam Maung Chuang gunlei hongna_8.1.2013 in Pu Ning Nai in vanei cih kiza,
11. 8.1.2013 ni-in Hiangzing kiangah Pa Hau Dim Lian (Kum-48) (Guasing khua)pen lamkiangah a lutang zansa in, Kenbo 125 cycle khat tawh ki mu a, hih vai tawh kisai, Tedim palik zum pan a thu a kancian san laitak cih ki za,
12. Tedim Zalui lei puahkikna hangin, nasem te lungkim lohna omcih kiza, ahang pen nitha kikhai lua ci hi. Nasem makai te Nikhat (7000/-)hi a, ahuh te (3000/-)hi-in, nasem, suangciang pawl (2500/-)leh numei te (2000/-)ahih man in gimna kibang nitha kidan luatna hangin... ki lem melloh na om cih SB te kiangpan ki thei khia hi.
13. 9.1.2013 ni-in, Pa Tual Kho Mang inn (Ma/226)inn ah ZCD zum honna Pu Chin Sian Thang in vanei thei cih ki za, tua zum hon na-ah (NLD zumpi pan, GZA pan leh SND pan)laikhak te Pu Gin Kam Lian, Thangpi, Khup Cin Thang leh Pa Khai Za Nang te in simna nei-in,  mipi (300)kim in va uap thei cih ki za;
14. 9.1.2013 ni-in, Mindat ah Daw Hung Ti a lo giah kikal in a inn kanga, a innveng nu Daw Shwe Yawng inn zong lawh cih kiza, Innkatna vai-in a tapa Mg. Linn Hung (Kum-13) Palik te kemphot cih ki za,
15. Zogam ah Tan(10) gualzo hongtam theih na dingin, Zangkong pan in Dr. Khin Maung Kyaw in, Sang sia/siamah te tungah thuhilhna nei kawikawi cih ki za;