CCF(Hakha) Biakinn thak (16.11.2014)ni kihong ta ding

• "Om hithiat unla, Pasian kahihna thei-un!" "Itna tawh khat leh khat na kikhual-un!"cih te bulphuh-in, Zogam, Khalkha khua-ah 1976 kum, Pu Tual Cin te inn ah ih Pu ih Pi mimal (34)te holim kamkupna pan hongpiang khia, Hakha Tedim Tapidaw Innkuan(HTTI)pen Kum(38)cin kum (November 16, 2014) ni-in Biakinn thak honna neiding cih kiza hi.
• HTTI Biakpiak kikhopna masa penpen Pu. Tual Cin (Pa Kam Cin Hau pa)te inn ah (27.6.1976)ni (1:00)PM in Biakpiak kikhopna nanei uh-a, Rev. Tuan Khaw Kham in (Deu.8:20)tawh hanthotna na nei-cih na ki ciamteh hi. Hun te hong paitoto-a, (23.1.1986)in Khangno kilawmtatna, (14.9.1986)in Nipisang kimakaihna leh (29.8.1987)in Nupi kilawmtatna te na piangkhia hi. (13.7.1982)kum ciangin HTTI pen a tangzai zawding lunggulhna tawh Ciimnuai Christian Fellowship (Hakha)ci-in, min nakhek uhhi. (30.6.1991)ni-in CCF (Hakha) Biakinn thak (tun alui pen) ZBC, Secretary Rev. J. Tial Dum in, Pa Ta Khasiangtho min tawh na hong hi.
• Biakinn thak pen (April.13-15, 2009)sung Lambu Mangpi(Go Khan Mang)thusiamna tawh "Pastor Quarter"min pua-in, setpi tawh lei kizik-a, (30.5.2009)in phungcian kizo-in, Inn lam ding ciang Kumpi phalna kisam ahih manin "Biakinn"cih tawh lamtheihna a kingahloh ciang "Laibu saal leh Naucing sang" inn ding cihtawh lamtheihna kingah hi. A kipat cil-in Biakinn lam ding pen hunsau geelna hi-a, "Laibu saal le Naucing sang inn"ding a kilam ahi hi. Biakinn ding geelna(project)diktak omlo himah leh Pasian lampina., (Pu. Khual Khan Thang)ii veina/kinna tawh Geelna (project)diktak omlo pi mah ki hanciam to-a, gamsung gampua tuipi gal khat dong mimal kihelna, CCF pawllut te (Khakhat khasum)(-)vei leh Dinner tuamtuam tawh fundzonna, mimal citpiakna te tawh a kilam BIAKINN ahi hi. Hih biakinn lam na-ah, Pawlsung mite thatang kituatlo, Kawlsum teng(1000)kiim bei dingin ki ummawh hi.
• Biakinn thak pen RC leisek innhoih(32.10’x60.9')gol dawlkhat hi-a, A nunglam-ah apeem, dawlkhen(4)om-a tua lai-ah Um le beel, kuang le keu, Zongeina van tuamtuam te kikoih hi. Amai lamah Dawlthum sang-in Singlamteh innpi dawk om hi. Asung-ah Suang-ngau sual ahoih mahmah kiphah-in, a tung Ceiling pen Mandalay pan khutsiam minthang ten a bulh hi-in, et lawm mahmah hi. A sungah mipi tutna phualpi(4)in kigual-a, khat-ah mi(4/5) kitu thei hi. Nipi sim kikhawm mimal(300)kiim bang kipha den hi.
• CCF (Hakha) Biakpiak zia pen Constituation & By-Law om bangin, pawlpi tek-ah kikhop khit sun(1:30)PM in Biakpiak kikhoppi kipan-a, (4:00)PM kiim ah kiman hi. Nipini nitaak pen Khangno hun, Nilai nitaak pen Numei hun, Ninga ni sim Pastor nu makaihna tawh zingsang nai(10)pan Antan thungetna, Ninga nitaak Khangno te Choir sinna, Nino nitaak CE makai te kigin thungetkhopna, Nipini zingsang (6:00-9:00)AM Pasian kammal thuthuk sinna leh Zolai, Zongeina sinna cihbang-in kizangh hi.
• CCF(Hakha)pen Pawlpi tuamtuam (15)kigawm hi-a, Tuiphum inn(104), RCM (30), AG (18), EBC(4), SDA (2), UPC (2), TCBC (2), BCM (1), MFC (1), Siangsawn (2),Laipian (1), Yaweh (1), LCJC (1), Buddish (1); mimal Pasal(310), Numei(357)pha hi.
• CCF(Hakha)ah tulaitak Pastor pen Pastor Ngem Khawm Niang hi-a, President Upa Thuam Kho Zam (Manager-Retd), Thuzeekpi Upa Kham Lian Sum (State Head Officer, IPRD)te ahi hi. Numei Makaipi Nu. Goih Zam Cing, Thuzeekpi Nu. Ciin Khan Pum, Khangno Makaipi Tg. Pum Suan Mang, Thuzeekpi Tg. Lian Za Kham, CE Makaipi Sm. Huai Khan Man, Thuzeekpi Sm. Niang Khan Nuam te ahi hi. Tukum(2014) CCF thubulphuh in "Hih BIAKINN ah cihtheihna le Nopsakna kongpia dinghi." Hag.2:9 ahi hi.
• Ih sangmang Rev. Dr. J.H.Cope lutang phumna-ah Zomi(Tedim kampau)te neih lianbel Biakinnpi pen (16.11.2014)ni-in, Sial (1)le Voktal (3)tawh "Biakinnthak Pasian tung Apna, lungdamkohna pawipi"kinei ding cih kiza hi. A nai a gamla-aa om, Khazih sungah sanggam u le nau a kua mapeuh Ih BIAKINN THAK HONPAWI ah nong kihel na dingun hong kisam hi. Hih ih BIAKINN pen a cing/akem pen CCF(Hakha) pawllut mite hibek-a, ih minam bup neih BIAKINNPI ahi hi. Mimal kim Topan Thupha hongpia tahen! Amen...

By/-John Thang Za Khual, Zogam

A MUANTAK KHANGNO

Pu Thuam Kho Zam, President, CCF(Hakha)

Mihing ten nuntakna hunpi (3)in kikhen aa, Naupang hun, Khangno hun, Khangham hun ahi hi. Naupang hun ih cih ciangin nu sung pan ih piankhiat nipan kum(3)dong Nute aang sung ki om aa, kum (3)pan kum(5)dong mucu (Pre school), kum(6)pan kum(17)dong naupang hun kici thei hi. Kum(18)pan kum(40)dong Khangno hun ci-in mipil te’n na ciamteh hi.
Khangno hunsung a muantak khangno khat suah nadingin 1Timothy 4:12 bulphuh leng hoih pen dingin ka mu hi. Tua sungah ''Na khangnona mite simmawh dingin om kei inla, kampauna, gamtatna, itna leh siangthona-ah thu-um mite etteh dingin om in'' ci hi.

A Muantak Khangno Khat in:
1) Biakna lam ah kipiak photphot ding thupi pen hi. Banghang hiam cih leh khangno sungah leh a diakdiak in Sunday School (Christian Education) ah Sia/siamah a sem ngei (a khang khia)khat pen koilai mun tung taleh a tuntunna munah mite makaih theih pan mawk hi. A nunglam (a meilam) ah hilo in a mailam (a lulam)ah ompah lel hi.
2) Tupna ngimna neih kul hi. Ngimna, vision omlo in bangmah tangtung theilo hi. Mipil Thomas Carlyle in ''Ngimna a neilo mite a hawlna (steering)omlo tem baw tawh kibang hi'' na ci hi. Ngimna (vision)muhkholhna ih tun mateng hangsan tak aa hanciam ding ahi hi. Thomas Edison in electric mei a ngah nading in lungkia hetlo (700)vei a hanciamna teh ngah pan hi.
3) Tuhun pilna hun(knowledge age)ah tawlnga loin sun tawh zan tawh pilna zonhuai hi. Pilna ih cih ciangin Sang pan ih sin, ih ngah degree te bek pilna hituan lo hi. Siamna khat, kivakna khat ih neih pen nuntakna hong pia zo ding pilna hipah aa, a dang tampi ih siam kei leh zong ih siam pen ih uk pen Specialized ding ahi hi. Leitung ah pilna picing cihbang om ng eilo hi. Mipil taktak ten a pilna, a theihna kicing salo in lai simsim-in a pilna uh behlap uhhi. Lai simna in mihingte hong picing(mature)sak hi.
4) Lungsim pha neihding kisam hi. Lungsim pha neihna in khantohna ding foundation hi. Mi huhnopna, deihsakna (charity)nei hi. Mi elbawl lo aa a gamtatna zong hoih pah hi. A muk a kam a pumpi leh a lungsim siangtho hi. Ki phasak lo aa, thukhat peuhpeuh ah a hoih lam in mu (positive thinking)hi.
5) Na khialhnate nial huailo hi. Khialhna a nei ngei khollo te bangmah a semlote hipah hi. Tam a semte khialhna zong tam hi. A khial theilo kuamah omlo hi. Ih khialhkhak leh nial huailo aa, khialmah ing cih (confess)na in gualzawhna hizaw hi. Mipil ten nalian khat peuhpeuh a sep ciangin midangte kiang ah ka khialhna a om kha hiam? ci-in dong zaw uhhi. Midangte' ngaihsutna la zaw uhhi.
( Hih laimung pen Pu. Thuam Kho Zam, President, CCF-Hakha ii honggelh ahi hi.)

MAIPHA NGAH TANO

Pu Cin Lian Pau, Minister, Chin State Government, Myanmar

Ih Topa Pasian hoihna leh a hong hehpihna hangin Khalkha khuapi-a om Nipisang kimakaihna te in kumkhat khatvei, a kihawm zel ahi “Birthday Awging”pen CCE kum(28)cinni hawm ding sungah ''MAIPHA NGAH TANO'' cih  thulu tawh khangthakte ading, Kammal hoih thuhilhna laiat theih nadingin hunhoih hunnuam hong musak Pasian min ka phat masa hi. Zogam Vuangyi(0efBuD;)khat ka hih banah CCF(Hakha)adingin Dotpi khat ka hihna tawh article at thei ka hihmanin CCF(Hakha)a piantheih nadingin mi masa ih Nu leh ih Pate, asisa leh anungta lai ih Nu ih Pa te, a gima tawlteng khempeuh Topa min tawh Zahtakna ka pia hi. Thang Ho leh Lian Do te unau tangthu sungah mimtang phelbat, taangtang phelbat in khang sawnsawn ading thukhual nasep hoihte zop tohtoh ding, tua thupha in a khangkhang in ong kip tawntung tahen! Amen...
Mihingte khan sungin naupang hun, khangno hun, nupi papi hun leh vuai le teek hun ci-in ki khen thei hi. Naupang le khangno hun anuam pen in kiciamteh hi. Khangno hunin pilna ngahnading a thupi masa hi-a, na neih khempeuh na beilawh zong in na zonding ahihi. Pilna deih-in, mi lianin hongbawl dinghi. Limtak pomin, pahtawina hongngahsak ding hi. Maipha ngah tano hih nadingin pilna neihding thupi hi. Kumpi Solomon in, Ta pil-in, a pa lungdamsak-a, ta hai in anu dahsak hi cih i simthei hi. Pilna adeihte, ki thuhilh ding ut uh-a, kitai ding utlohna pen haina ahi hi.
Leitung mihingte pilna namtampi om a, nainganzi pilna (political science) pilna asang pen hi ci-in mipilte in ciamteh uhhi. Political (EdkifiHa&;)nasep pen nasep dangte tawh kibanglo in mikhat in vote nei in suahtakna om hi. Galkap mangpi Napolean in a zi uk zolo aa, gamuk makaite mai ah etlawmlo takin anial (langpan, alehlam, alang lamah) bawl ahihman Napolean in galkap honpi uk zo napi a it a zi uk zolo hi.
Kong it sanggam u le naute aw, Nu leh Pa Itna bangzahtakin lian hiam? Tate tungah lametna bangzah takin lian hiam? Tate adamloh ciangin bangzah takin kilunggim hiam? Tate vaak nading, tate pilna zonna, sang kahnading bangzahin ki lungkham hiam? Cidam in pil-in Nu leh Pa a Teek a vuai ciang ongkhoi ong kem in, lungdam lungnuam tak aa om ding ki lamen hi. Abraham in Pasian maipha ngah hi. Banghang hiam cih leh Pasian zahtaakin a thupiakte mang hi. Pasian maipha ngah hi. Pasian maipha tano, Pasian in ka lung hong damsak tano ci-in Laisiangtho sung ah ki at hi. Nang zong Abraham bangin na Nu leh na Pa Zahtakin ong thuhilh ong thupiak te mang lecin ''MAIPHA NGAH TANO''na hihi. Topan thupha hong pia tahen! Amen...

(Hih laimung pen P.L Cin Lian Pau, Minister, Ministry of Electricity & Industry, Chin State Government, Hakha in, Khangthak tano te ading hong gelhkhiat ahi hi.)

KHANTOH NADING THU LAIGIL NAM(10)

Pu Hau Khen Kham (Speaker, State Parliament, Chin State, Myanmar)

1) Vaikhat peuhpeuh ih kikup ciang, ih thu ih vai thupi sim in, ih ngaihsutna takpi tawh kikum, vaihawm ni! Pawlpi sungvai, kipawlna khatpeuh ahizongin, khuasungvai, gam le lei vai, kipawlkhawm aa nasepna, vai tuamtuamte ah thu kikum, vai ih hawm ciang thudang hel zelzul loin ih thu kikup pen mah thupi sim-in lungsim ngaihsutnate genciat dinghi.Thu kikup laitak bangmah gen lo-in, a khua nung ciang peuh in gen mawkmawk lo ding, a hun lai-in gending kisam hi.
2) Vaikhat peuhpeuh ih khensat ciangin thu kikum mi a tamzaw hoihsakna tawh thukhentat ni! Thu khat peuhpeuh ih vaihawmnate ah thu ih khentat ciangin thu kikum mi a tamzawte khentatna zuihding hoih pen hi. Makai khat peuh a zagol zawdeuh, a khuamu zawdeuh khatpeuh deihkaihna tawh midangte ngaihsutna zong la mello in ama thu bek tawh thu khentat thei hi.Tua bang hilo in ki dong kim in ngaihsutnate gawmkhawm-a thukhentat leng thu hoihpen hi. A hunlai aa genlo in, a mantak ciang... kenbel ka gennuam kei-a hiven thukhentat bel hoih sa het keng, khuanung cih kei ni! A hunlai genngam semngam zaw ni!
3) Thu neihnop luatna, mindeih luatna, angsungvai huaiham luatna te khiamin nasem ni! Kipawlna khat peuhpeuh leh vaihawmna khat peuhpeuh ah thu neinuam deuh, a huaiham deuh, panmun deihdeuh, mindawk nuam deuh, angsungvai huaiham deuh a tamluat ciangin kipawlna kisia aa tupna tangtung theilo hi. Lim ngaihsut mahmah ding thu ahi hi.
4) Khat le khat ki thupi sim in na sem ni! Mihingte lungsim ah meel le thagui ahizongin, mun le mual, khua le tui zui-in ahizongin ih neih ih lam zui ahizongin ih siamna ih theihna ih khuamuhna zui ahizongin khat le khat kaal, pawlkhat leh pawlkhat kaal ah kineu muhna, ki simmawhna, ki haibawl nate hong om ciangin ki-itna bei-in kipawlkhopna omlo-a, ngimna tupna ki tangtung theilo hi.Ki-elna, ki muhdahna tawh kidim lel aa kiamsukna vive ki phukha hi. Ki thupi sim leng ki-it, ki ngaihna khang semsem aa thunuam in ki khangto hi.
5) Thumanna(obedience) thupi ngaihsut ni! Mi pawlkhat te in Hausa Upa vaihawmte thumanna pen haina, guallehna, simmawhna, miphaklohna,vangneuna sa kha zenzen uhi. Nu leh Pa thumanna, Hausa Upate thumanna, pawlpi upate thumanna, honguk Kumpite thumanna in Cidamna, Khansauna, Daupaina, Kamphatna, Thupha ngahna ahi hi. Thumanna pen neiciat, zangciat lehang ki khangto mahmah dinghi.
6) Nasep silbawl hahkat, citak in sem ni! Mi pawlkhatte in lo naseppeuh, huan naseppeuh, gancin naseppeuh zumpih zenzen uhhi. Ih Kumpi nasepna, ih laisimna, ih tang nasepna, ih thacial kuanna, kipawlna tuamtuam aa nasepnate ah hahkat citak takin sem lehang ih innkuan sung, ih pawlpi, ih khua, ih gam hong khangto dinghi. Nasepna peuh zumpih kei ni-in, nasemlo-a mawkvakvak, laisimlo-a mawk tuttut te zumhuai zaw ahih lam phawk ni!
7) A siangtho gamtatna leh lungsim siantho zawhding hanciam ni! Ki niamkhiatna, khat le khat ki zahtaak bawlna, pumpi siangthona, lungsim sungah thusia, lasia, gitlohna, a kihhuai ngaihsut lunggulhnate om sak lo-in, akilawm, a etlawm omdante neihding thupi-a, tua a siangtho gamtatna leh lungsim siangtho neihna-in mi daupaisak,vangneisak, maipha ngahsak hi.
8) Thupha kipiakna leh kihuh ki panpihna nei ciat ni! Khat le khat ih ki phunsan nate, ih ki gensiat nate nusia-in khat le khat thu kingetsak, thupha kipiapia lehang a piate lah supna omlo-in, metna kinei zaw hi. Khat leh khat ki hawmthawh-a ih kimawhsaksak sangin ih thanemna te, tha le ngal, neih le lam te tawh ih hihzawhlohte kipanpih diamdiam lehang ih khangto hulhul dinghi.
9) Biakna leh Ngeina tonkhawmsak theihding geelsiam ni! Biakna ih cih in ih nuntak sungin mimal ahizongin innkuan sung, khua le tui leh ih gamsungah ih cidamnading, ih daupai nading, ih lawhcin nading, ih ngim ih tupnate a tangtun nading, deihna lunggulhna te, Ngimna le tupnate ih tangtun nading, hong bawlsiate ih kidal nading leh ih sih ciang ih kha noptak aa a om theihnading, ih sep ih bawlte in BIAKNA ahi hi. Ngeina ih cih pen minam khat ii leitung nuntakna-ah sep leh bawl, nopna dahna ah ihsep ih bawlzia te, ih gamtatdante leh ihneek ihdawn dante in NGEINA ahi hi. Minam khat ''NGEINA''ih cih in mimal vai, innkuan sung vai, khua le tui vai, gam le lei vai, ih minam sungah leitung nuntak nading ih sep ih bawlnate, nopna dahna ih tuah ciang ih sepdante, ihneek ihdawndante in NGEINA ahi hi. Tua ahihmanin Biakna leh Ngeinate pen telsiam in zangsiam lehang ih minam sung ah nuam mahmah dinga,ih khangto mahmah dinghi.
10) Sawm-ah-khat piakna leh piakkhiatna tuamtuamte hahkhat ni! Midangte tung ah thupha bawl aa a kisapnate uh huh aa panpih aa piakkhiatnate leh pawlpi ading  sawm-ah-khat piakkhiatna pen mikhat adingin nasep hoih mahmah hi aa, hauhna le nopsakna ngahna, thupha ngahna taktak ahihi. Mi peuh ih koko ih gensiatsiat sangin huhna pia giapgiap zaw ni! Sawm-ah-khat zong tatsatlo in pia ni! Leitung khempeuh in sawm ah khat pia henla, Pasian Laisiangtho gen bangin, sawm-ah-khat ah citak ni! Tua hi leh Leitung ih nuntak sung Hauhna leh Nopsakna ih ngah taktak dinghi.
(Hih laimung pen Pu Hau Khen Kham (Speaker, State Parliament)in, Khalkha Ciimnuai Sunday School 28 cin Birthday aa, khangthak te zuihding-a, honggelh khiat ahi hi.)

KAWLGAM MILIP KISIMNA KI TANGKO KHIA TA!

(30.8.2014)ni 2014 Myanmar Census tawh kisai tangkona, Yangon, Kandawgyi Palace Hotel ah kinei-a, Kawlgam mimal ciaptehna thusai Mangtal U Khin Ye in, a genna-ah CENSUS NIGHT ci-a ih ciapteh March 29 zan aa Kawlgam ah a om ciaptehna hi-a, <2014 Marh 29 to April 10 >Mimal simna-ah Pasal (24821176), Numei (26598244), Gawm (51419420)pha hi. 2014 kum Kawlgam ah Pasal sangin Numei (1.7)million tamzaw hi. Sawtpek pan Kawlgam ah mimal million (60)val om ci-a ih ciapteh pen a taktak innkim sik in, ih kaihkhop ciang (51.41)million bek kipha ci hi.

Hih milip kisimna-ah Yakhine gam sung, District (3), Kachin gam ah Khuata uk (25)sung leh Kayin gamsung khua pawlkhat... kikaikhawm theilo hi.

2014 Census ah gamsung om bek kisim-a, tuipi gal tungte ki sim lo hi. Dotna (40)a kinei te pen 2015 May kha ciang tangkona neih ding kigeel cih zong kiza hi.

2014 MYANMAR Census ah mimal ciaptehna-ah
Atampen gamkhen................... Yangon Division,

Atam nihna gamkhen................ Irrawaddy Division,

Atam thumna gamkhen............. Mandalay Division hi-a, 

Mimal a tawmpen gamkhen....... Kayar State hi-a, mimal (286000)bek teeng cih thusai te tangkona tungtawn in ki thei khia hi. Zogam ah mimal (478690)pha hi.

Census vai tawh kisai, sumbei vekpi US $ 15 Million bei ci-in, UNFPA ten gen hi.

ခ်င္းျပည္နယ္၊ ဟားခါးၿမိဳ႕၊ ျပည္ေတာ္သာရပ္ကြက္တြင္ အိမ္(၃)လံုး မီးေလာင္ကာ လူႀကီး(၁)ဦး ေလာင္ကၽြမ္းေသဆံုးမႈျဖစ္ပြား

၂၀၁၄ ဧၿပီ (၁၃) ည (၉း၃၀)အခ်ိန္ခန္႔တြင္ ဟားခါးၿမိဳ႕၊ ျပည္ေတာ္သာရပ္ကြက္၊ ဂန္႔ေဂါလမ္းတြင္ ေနအိမ္ (၃)လံုး မီးေလာင္ခဲ့ၿပီး ဘယ္လိုမီးစတင္ေလာင္ကၽြမ္းခဲ့လဲ အေသးစိတ္ မသိရွိရ ေသးေၾကာင္း သတင္းရရွိပါသည္။

မီးေလာင္အိမ္မ်ားမွာ ဦးငြန္ႏွင္း (ဘ) ဦးဒုတလြန္)၏အိမ္ ငွားရမ္းေသာ အိမ္ငွား (၂)မိသားစုထံမွ စတင္ခဲ့ေၾကာင္း၊ သစ္သားအိမ္ (၂)ထပ္ျဖစ္ၿပီး အေပၚထပ္၊ ေအာက္ထပ္ (၂)ခုစလံုး ငွားရမ္းတာ ျဖစ္ေၾကာင္း၊ ဘယ္ပိုင္းက စတင္ေလာင္ကၽြမ္းခဲ့ေၾကာင္းကို မသိႏိုင္ေသးေၾကာင္း။

ဦးငြန္ႏွင္းအိမ္၊ ဦးႏိုရွားအိမ္ႏွင့္ ဦးထန္႔ဟဲရ္ (က်င္းခြါ)၏အိမ္မ်ား အိမ္ကၽြမ္းခဲ့ေၾကာင္း၊ ပထမဆံုး စတင္ေလာင္ကၽြမ္းတာ သစ္သားအိမ္ျဖစ္တဲ့အတြက္ မီးေလာင္မႈျမန္ဆန္ေစေၾကာင္း၊ ဟားခါးၿမိဳ႕ သစ္သားအိမ္အမ်ားစုမွာ ထင္း႐ူးသားႏွင့္ေဆာက္လုပ္တာျဖစ္ေၾကာင္း သိရွိရပါသည္။

မီးသတ္ဦးစီးဌာနမွ ႀကိဳးပမ္းခဲ့ေသာ္ျငားလည္း ေနရာ၊ ေဒသအခက္အခဲေၾကာင့္ မီးမၿငိမ္းသတ္ ႏိုင္ခဲ့ေၾကာင္း၊ အဲဒီ အိမ္(၃)အိမ္ႏွင့္ ဆက္စပ္လ်က္ရွိေသာ ေဒၚအီယန္းထိုင္းႏူး (ဒါအိုခၽြမ္းရြာသူ) အိမ္သည္ ေဆာက္လုပ္ေနဆဲ အမိုး၊ အကာ မျပဳလုပ္ေသးသည့္အတြက္ မီးေလာင္မွ ဆက္မျဖစ္ပြားခဲ့ေၾကာင္း၊ ဒါမဟုတ္ရင္ေတာ့ ေနအိမ္အမ်ားႀကီးေလာင္ကၽြမ္းမွာျဖစ္ေၾကာင္း မီးေလာင္အိမ္နီးနားခ်င္းျဖစ္သူ ပူးႏိုမာန္က ေျပာၾကားသြားပါတယ္။

ဦးငြန္ႏွင္းအိမ္ငွားရမ္းသူ ပူးေထာင္ဇမ္းသည္ မီးေလာင္ထဲမွ အေလာင္းကယ္ဆယ္ႏိုင္ခဲ့ေၾကာင္း၊ သူသည္ “အသက္ႀကီးၿပီး မ်က္စိသိပ္မျမင္ခဲ့ေၾကာင္း၊ ေသြးေၾကာမ်ားလည္း သာမန္ထက္ အားနည္းသူျဖစ္ေၾကာင္း” အဲဒါေတြေၾကာင့္ အခ်ိန္မွီ မကယ္တင္ႏိုင္ပဲ ေလာင္ကၽြမ္းမႈတြင္ ပါသြားျခင္းျဖစ္ေၾကာင္း အိမ္နီးနားခ်င္းမ်ားက ေျပာၾကားခဲ့ပါတယ္။ မီးဘယ္လိုစတင္ေလာင္ကၽြမ္း ခဲ့လည္းဆိုတာ အေသးစိတ္အခ်က္အလက္မ်ား စံုစမ္းဆဲျဖစ္ေၾကာင္း သိရွိရပါသည္။

ဟားခါးၿမိဳ႕တြင္ Western Union ေငြလႊဲႏွင့္ ေငြလက္ခံစနစ္ကို အသံုးျပဳႏိုင္ေတာ့မည္

ခ်င္းျပည္နယ္၏ၿမိဳ႕ေတာ္ ဟားခါးၿမိဳ႕တြင္ အလြယ္တကူ အသံုးျပဳႏိုင္ေသာ ေငြလႊဲလက္ခံစနစ္ ျဖစ္သည့္ Western Union Money Transfer ကို ၂၀၁၄ ခုႏွစ္၊ ဧၿပီလမကုန္မီစတင္၍ အသံုးျပဳ ႏိုင္ေတာ့မည္ျဖစ္ေၾကာင္း သိရသည္။
ခ်င္းျပည္နယ္သည္ အလုပ္အကိုင္ ရွားပါးေသာ ျပည္နယ္တစ္ခုျဖစ္သည့္အေလွ်ာက္ ယင္းေဒသ၏ ေဒသခံတစ္ခ်ဳိ႕မွာ ျပည္ပတြင္ သြားေရာက္၍ စီးပြားရွာေနၾကရသည့္သူ အမ်ားအျပားရွိေနၾကၿပီး ယခုကဲ့သို႔ ယင္းစနစ္ကို အသံုးျပဳႏိုင္ျခင္းအားျဖင့္ ႏိုင္ငံရပ္ျခားသို႔ အလြယ္တကူေငြလႊဲ၊ ေငြလက္ခံ ႏိုင္ျခင္းသည္ တိုးတက္မႈတစ္ခုျဖစ္သည့္အျပင္ မိမိၿမိဳ႕ရြာေဒသခံျပည္သူမ်ား လြန္စြာ အက်ဳိး ျဖစ္ထြန္းေစႏိုင္ေတာ့မည္ျဖစ္ေၾကာင္း ေဒသခံလူငယ္တစ္ဦးက ေျပာသည္။

အဆိုပါ အလြယ္တကူေငြလႊဲေငြလက္ခံရရွိႏိုင္သည့္ Western Union ကို ဟားခါးၿမိဳ႕ေပၚရွိ Co-operative Bank (CB Bank)တြင္ ဖြင့္လွစ္မည္ျဖစ္ၿပီး လိုအပ္ေသာ Installation of Internet ႏွင့္ Network Services မ်ားကို ျပင္ဆင္ေနဆဲျဖစ္ေၾကာင္း သိရသည္။

Western Union Money Transfer သည္ လူတန္းစားမေရြး အသံုးျပဳႏိုင္ေသာ ဘဏ္အေသးစား တစ္ခုျဖစ္ၿပီး ႏိုင္ငံရပ္ျခားတြင္ ႏွစ္ေပါင္းမ်ားစြာကပင္ အသံုးျပဳလာခဲ့ၾကသည့္ အလြယ္တကူ ေငြလႊဲယူ လႊဲေျပာင္းလုပ္ႏိုင္ေသာ ဘဏ္စနစ္ျဖစ္သည္။

ျမန္မာႏိုင္ငံတြင္ ယခင္ႏွစ္မ်ားကစ၍ Kanbawza, Myanma Apex, Myanmar Livestock ႏွင့္ Fisheries Development စသည့္ အနည္းငယ္ေသာ ဘဏ္မ်ားတြင္သာ အသံုးျပဳႏိုင္ေသးသည္ဟု သိရသည္။

ဇိုေဟဆာ(ခ်င္းေတာင္ေျမ)

ထန္တလန္ႏွင့္ ဆိုပြမ္းၾကား ဟိုင္မြာလ္ဂ်စ္ (၁)စီး တိမ္းေမွာက္ (၄)ဦးေသ၊ (၆)ဦးဒဏ္ရာရ

ပူးတင့္က်ဲအိုေမာင္းႏွင္သည္ ဟိုင္မြာလ္ဂ်စ္အား ဟားခါး-ထန္တလန္-လံုလဲရ္သို႔ ေျပးဆြဲလ်က္ရွိရာမွ (၂.၄.၂၀၁၄)ရက္ေန႔ ညေနပိုင္း (၃း၀၀)နာရီခ်ိန္ခန္႔တြင္ ထန္တလန္-ဆိုပြမ္းၾကား Rullei ၿခံနား အေရာက္တြင္ တိမ္းေမွာက္မႈျဖစ္ပြားေၾကာင္း၊ ယာဥ္ေပၚပါ (၄)ဦး ပြဲခ်င္းၿပီး ေသဆံုးကာ၊ (၆)ဦးဒဏ္ရာ အသီးသီးရရွိခဲ့ေၾကာင္း သတင္းရရွိပါတယ္။

ေသဆံုးသူမ်ားမွာ -

၁။ ဆရာမေရႊ (၅၉/၂၀၁၄) (ဆိုပြမ္းေက်းရြာတြင္ ေက်ာင္းဆရာမတာ၀န္ထမ္းေဆာင္သူ)

၂။ ပီေဟြေလွာန္ (၄၅/၂၀၁၄) ပူးႏိုမန္း၏ခ်စ္ဇနီး (ဆူရ္ခြါးသူ) (ထန္တလန္နယ္၊ လံုလဲရ္

ေက်းလက္က်န္းမာေရးဌာနတြင္ တာ၀န္ထမ္းေဆာင္သူ)

၃။ ပူးေဟလဲင္ (၁၈/၂၀၁၄) (ဘ) ပူးသြမ္းက်ဲအို၊ ထန္ဇန္ေက်းရြာသား၊ ထန္တလန္ၿမိဳ႕နယ္

၄။ ဦး၀င္းႏိုင္ (၃၈/၂၀၁၄) ဒီပဲယင္းၿမိဳ႕နယ္သား၊ Alpha&Omega Co.,Ltd တြင္တာ၀န္ထမ္းေဆာင္သူ

ဒဏ္ရာရရွိသူမ်ားမွာ -

၁။ ပူးထန္႔ဟိန္း (၇၁)ႏွစ္၊ ထန္ဇန္ေက်းရြာေန

၂။ ပီတီာလ္ဒိမ့္တလြဲ (၂၀)ႏွစ္၊ (ဘ) ပူး နီအုပ္၊ ထန္ဇန္ေက်းရြာေန

၃။ ပူးဗန္လ်န္ဟြမ္ (၆)ႏွစ္ (ဘ) ပူးတလြန္ကမ္၊ ထန္ဇန္ေက်းရြာေန

၄။ ပူးထလာက်ဲအို (၉)ႏွစ္ (ဘ) ပူးတလြန္ကမ္၊ ထန္ဇန္ေက်းရြာေန

၅။ ပီငြန္က်ဲရ္ (၁၈)ႏွစ္၊ စီမူေက်းရြာသူ

၆။ ပူးႏိုမန္ (ပီေဟြေလွာန္း၏ခ်စ္ခင္ပြန္း)

အဆိုပါ ဟိုင္မြာလ္ဂ်စ္အား ပူးထားလ်န္ေမာ္ေတာ္ယာဥ္ျဖစ္ၿပီး ယာဥ္ေမာင္းမွ ပူးတင့္က်ဲအိုျဖစ္ေၾကာင္း၊ ယာဥ္ေမာင္းမွာ အရက္မူးၿပီး တိမ္းေမွာက္မႈျဖစ္ေၾကာင္း၊ ထန္တလန္မွ မထြက္ခင္ကတည္းက အရက္တအား မူးခဲ့ေၾကာင္း ထန္တလန္ရွိ ေဆြမ်ဳိးမ်ားထံမွ စံုစမ္းၾကားသိရေၾကာင္း၊ အဆိုပါယာဥ္အား စီမူေက်းရြာတြင္ I Love Chinland Co.,Ltd မွ ေဆာက္လုပ္လ်က္ရွိေသာ ေက်ာင္းေဆာင္အတြက္ အုတ္ခဲမ်ား သယ္ေဆာင္ျခင္းဖစ္ေၾကာင္း၊ ေသဆံုးသူ (ပီေဟြေလွာန္း)ႏွင့္ (ပူးေဟလဲင္)တို႔သည္ ညတြင္းခ်င္း ဟားခါးၿမိဳ႕သို႔ သယ္ေဆာင္ သြားမည္ျဖစ္ေၾကာင္း၊ ယာဥ္ေမာင္း ပူးတင့္က်ဲအိုႏွင့္ ယာဥ္ေနာက္လိုက္မ်ားအား ဒဏ္ရာရရွိျခင္းမရွိေၾကာင္း၊ စုစုေပါင္း (၁၂)ဦးမွ (၄)ဦးေသ၊ (၆)ဦးဒဏ္ရာ၊ (၂)ဦးလြတ္ခဲ့ေၾကာင္း သိရွိရပါသည္။

Hakha gamsungah Vanleng khat kia ci

ခ်င္းျပည္နယ္၊ ဟားခါးၿမိဳ႕နယ္၊ ဟာသာ၊ ဟိုင္ဖိုင္နယ္ေျမ၊ ဟားခါးမွ မိုင္(၂၀)ခန္႔အကြာတြင္ ေလယာဥ္ တစ္စင္းပ်က္က်ခဲ့ေၾကာင္း ဟားခါးၿမိဳ႕၊ ေစ်းသစ္ရပ္ကြက္ေန ပူးေထာင္က်ဳဳံးထံမွ ၾကားသိရေၾကာင္း၊ ပထမမွာေတာ့ အဲဒီေလယာဥ္ဟာ မေလးရွားေလယာဥ္ဟု ယူဆေသာ္လည္း သတင္းအတိအက် မရရွိႏိုင္ပါ။ ဒီကေန႔ (၂၀.၃.၂၀၁၄)ရက္ေန႔ မနက္ပိုင္းတြင္ စစ္ဗ်ဴဟာမွ တာ၀န္ရွိသူ မ်ား၊ ျမန္မာႏုိင္ငံရဲတပ္ဖြဲ႔၊ ျပည္သူ႔ေဆး႐ံုမွ တာ၀န္ရွိ ဆရာ၀န္ႀကီးမ်ားႏွင့္ ကယ္ဆယ္ေရးအဖြဲ႔မ်ားျဖင့္ သြားေရာက္ခဲ့ေၾကာင္း သတင္းရရွိပါသည္။

၄င္းေလယာဥ္ဟာ ျမန္မာႏိုင္ငံပိုင္ ေလယာဥ္ငယ္မ်ားျဖစ္ေၾကာင္း သံုးသပ္ရၿပီး (၂၃.၂.၂၀၁၄)ရက္ေန႔တြင္ လည္းဟားခါးၿမိဳ႕တြင္ တစ္ေခါက္ ေရာက္ရွိဖူးတယ္လို႔ သိရွိရၿပီး တစ္ခ်ဳိ႕က အဲဒီ ေလယာဥ္ဟာ ဟားခါးၿမိဳ႕တြင္ ေလယာဥ္ကြင္းတည္ေဆာက္ရန္ေနရာအား သြားေရာက္စစ္ေဆးရာမွ အျပန္လမ္းတြင္ အဲလို ပ်က္က်ျခင္းျဖစ္ႏိုင္ေၾကာင္း သံုးသပ္ရပါသည္။

Hakha ah Vanleng tual vai Kumpi vaisai te’n en, Ritkuangtlang mualdung lungkim

 Hakha_March 19, 2014

• Zangkong pan Vanleng lam zumpi pan U Tinh Lwin Oo makai-in, Vanleng tual bawl ding Company (CND Co.,Ltd)pan U Ye Ya Oo leh Leitang thunei pawl (may-sa-yin) te kipawl in, Hakha vanleng tual ding mun March 7 in va en uh a, Hakha pan nitumna lam taikhat khawng a gamlatna Ritkuangtlang (Ritkuang mual) mun pen vanleng tual dingin hoih sa in, lungkim uh cih uhhi. “ Amasa in, Tiphul lam (Hakha-Falam) lamkiang mun ki et pih masa napi, khuahun paizia hoih taktak lo ahih manin, Hniarlawn lamka lam ki enkik hi mah leh guamthuk leh ciklak om ahih man in, leikhuh ding haksatna tampi om ahih man in, amau kep Gamlim (Map)ah Hakha-Thantlang lam Rikhuangtlang mun ki en leuleu hi. Zingsang nisuah leh nitum, vanleng tut dan ding cih te va en aa, lungkim mahmah uh hi. Lam thang asauna Pi 3500, avai pi 300 hi thei ding ahih manin, ki cing mahmah hi. Lam sak lam pi the kik uh aa, pi 5100 om theih ding cih amuh ciangin, lungdam mahmah uhhi.cih Khuanu khuapa Pu Ral Kham in Hakha Post ah gen hi.
• Zangkong vanleng tawh kisai, phungpi phone hopih pah uh a, Phungpi pawl in zong Hakha ah vanleng tuttheih nading na muh uh lungdam huai hi. A kisam ding khempeuh hongtuat un ci-in vakhak cih Pu Ral Kham in genbeh hi. Hih vanleng tual tawh kisai-in Khuanu khuapa ahi Pu Siang Mang, Pu Sui Thio, Pu Ral Kham leh Pu Chum Ling te’n zong va etpih uh hi. A leitang mun ding lungkim ahih man in, March 8 pan kipan in, Hakha, Khuathak veng Hausapa Pu U Lai Hlun makai-in, mi(6)khawng kipawl in, ni(4)sung Benchmark (BM) gisuang phuhna mun(6)ah va bawlpah uhhi.
• Hih vanlengtual zong pawlin, a muhna leh a muhzia te khempeuh Chief Minister Pu Hung Ngai leh Cabinet sungah March 12 zing 9:00 in pulakkhiatna nei hi. Pu Hung Ngai leh Cabinet pawl in zong lungdam tak in, a mun va etpih pah hi. Vanleng tual zong U YE ZA OO in a mun, a kihek nang, vanleng tut/kah na ding leh a khawl ciangin Namgimtui(Petrol) thun na’ng mun, VIP om na’ng inn, Motor lam cih bang teng leh tu-a, Golf Club lampang lut/pusuah nang, Zum leh Khawl mun, a leitang om zia cih te khempeuh vaisai ulian te tung gencian/pulakkhiatna nei hi.
• Leitang mun a et zawhcingin, CM Pu Hung Ngai-in, “Ritkuang mual than ciang kimat vet hi leh pi8000 val zai leh gol ding a, mailam ah vanleng gol pipi te zong hong tuthei dingin, ih bawl kul dinghi. Tu aa pen Pi(5100x300)pen hi ci omphot henla, a siamdeuh te’n hong en pha kik lai dinghi.”ci-in gen hi.
• “Hakha khuanu khuapa leh Khuapi sung Pawlpi Pastor khempeuh in zong March 10, nitaak 5:00 in a leitang mun ah Thungetna ka nei uhhi”ci-in Pu Ral Kham in gen hi. Hih vanleng tual pen a phualpi lam pan tai(15)val kiimkot theih ciangbek a cih kimlai, tu aa Ritkuang Mual pen kuamah in, ih ngaihsut ngeiloh hi ta se leh, vaisai pawl te’n Gamlim(Map)tawh hoihtak in, en kawm in hoih hi ci ahih man in, ih lungdam mahmah hi cih Pu Ral Kham in genbeh hi. “Hih bang pen Pasian in, ih sangmang te lutangphumna Khua leh Gam leitang ahih na hang leh Ih Pu ih Pa te Thungetna vangtawh ih Thupha san ahi hi”ci-in Sayakyi Dr. Bawi Hu in gen hi.

Hakha Post_No.2, Vo.86 pan Zolai tawh letkhiatkik_ Lailet: John Zomi (vaihunta)